今年係第一年過BC Day, 本來對我哋來講無乜特別, 但原來每年呢一日的交通工具係免費, 咁出去八吓都好, 因為我未坐過skytrain同seabus.
雖然比較多人及無無聊聊(比起香港算得乜), 但今日我覺得特別舒服, 事關一响去旅行由訂機票, 酒店及行程都係我一手包辦, 但今日終於可以唔洗用腦咁出去玩, 呢一日我等咗好耐啦. XD
先由屋企坐巴士至Skytrain站, 跟據schedule巴士準時13:00由巴士站開出, 25分鐘到逹skytrain站. 坐Skytrain到downtown大約25分鐘, 平時skytrain無乜人搭, 今日免費特別多人.
本來想直接坐Seabus過North Vancouver的Lonsdale Quay Market食午餐, 但實在太多人所以改變行程去China Town好出名的金邊餐廳. 去到時巳經14:00, 但仲係好多人响度等位, 等咗大約半小時先有位, 仲要搭枱.
金邊牛腩麵 - 有蕃茄所以有好少的酸味, 但好味
金邊撈麵 - 味道OK啦, 但碗湯好好味
炸雞翼 - 似乎枱枱都有人叫, 炸得好酥脆, 但同越南的牛油雞翼唔同
外國的唐人街一般都比人污漕同唔安全的感覺, 温哥華的唐人街亦不例外. 只可惜週圍聞到尿味, 否則呢度都有好多特別的建築物及店舖可以消磨一日, 唐人街除咗有唐人嘢外, 我仲發現Main Street有一間好大的意大利食品老舖, 可惜當日休店.
唐人街地鐡出口
每個唐人街都有的牌坊
呢間店都有很買好特別
我估用咗好多年的招牌
唔知係咪年紀大咗, 宜家對舊啲嘢或二手嘢特別有興趣
睇完香港電台的"中國人移民史", 對呢類的會館特別好奇, 好想入去睇睇
好鍾意有Bay Window的建築物
食飽咗, 坐返skytrain到waterfront站坐seabus過North Vancouver的Lonsdale Quay Market. 其實呢個Quay Market好似Granville Island咁, 但無Granville Island咁熱鬧, 去過一次可以唔洗再去.
平日應該唔會咁多人, 因為今日Seabus都免費, 所以人頭湧湧
其實每班船都一定夠坐位, 都唔明D呀差同大陸人又打尖, 又迫乜
呢個Lonsdale Market入面有間好出名的Cream Chowder Soup
回程雖然仲係飽, 但屋企果位話好耐無食Gyu Don(牛丼), 一定要食返碗. 响Downtown食嘢真係好, 又平又多選擇.
我都未見過有平過6元的食品, 呢碗牛肉飯係5.95.
沒有留言:
張貼留言