Whytecliff Park, Horseshoe Bay Park and Firework Festival

今日本來參加咗MEET UP group去Whytecliff Walk, 但因為Downtown塞車, 所以我哋比約定時間遲咗30分鐘, 去到集合地點當然無哂人啦.  為有自己行啦.
Whytecliff Park位於西温附就等於好似香港的淺水灣區, 大部份屋都望海, 勁靚.  好在無跟大隊, 否則無咁多時間可以慢慢影相.

温哥華的沙灘都唔係沙灘, 全部都係石灘

好懷念墨西哥的糖粉沙灘

下面呢個島就係Whytecliff, 只有在水退時先可上島, 今日我哋要攻頂

離開Whytecliff後開車前往Horseshoe Bay Park

呢度仲有個碼頭可以坐船到Nanaimo, Victoria

旅遊中心大便歡迎我哋

有個南瓜响度

温哥華沿海的遊客區都一定有Fish and Chips Shop, 呢間仲要係 All You Can Eat 包汽水都係12加元, 我屋企果位梗係要試啦.  

味度好過我屋企附近果間Pajo多多聲, 我屋企果位只食咗5條就飽, 後面有個竹星仔响我埋單前巳經食咗10條.

食完飯打算返屋企途經downtown, 見到好多地方都唔準泊車, 又見好多人响海邊方向行去, 咁先記起今日係Firework Festival最後隊伍日本.  每年的7月尾8月頭温哥華都會攪呢個Firework Festival, 會有不同的國家參加.  今年係美國, 法國及日本.  前2隊無時間又懶去睇, 因為一想到要在downtown泊車又煩又貴, 又唔想坐skytrain.  好在今次兜咗去Kitsilano比我哋幸運地揾到8th x Balsam有位泊車, 行出去海邊都係8-10分鐘都算方便.

我至鍾意睇煙花, 但香港實在太多人, 去睇煙花簡直係受難, 所以好多年都無去.  原來响温哥華睇煙花可以咁舒服, 好後悔前2個Show無去.

可以游住水等又得, 又可以去沙灘曬住太陽等又得, 又或帶個晚餐一邊聽音樂一邊等又得, 所有節目都係免費, 温哥華的夏天真係可以好忙.

一到10點, 煙花正式上演

開始未到5分鐘隔離看台突然有火警, 好多人都緊張慌忙走避

我無埋繼續欣賞我至愛的煙花

20分鐘的表演好快就玩結.  本來以為回程一定塞車很利害, 但比我想像的好得多, 11:45巳經返到屋企.  下年一定要再睇過.