由墨城機場去Publa好似唔洗2小時, 因為佢開得好快. 一去到佢哋屋企, 放下行埋佢哋就車我去downtown Puebla. 因為有當地人, 所以我好似去咗旅行團咁, 無哂方响同唔知去咗邊.
Catedral de Puebla
我巳經唔記得呢個係乜敎堂, 因為大雨到我哋要入敎堂避雨
由敎堂出來仲係勁落雨呀, 好似開水喉咁, 條街的去水又唔好, 成腳濕哂.
糖果街
佢哋帶我去呢間買, 佢哋話呢間好食, 其實我對佢哋D糖一D興趣都無, 不過佢好興奮哋叫我哋試, 又叫我哋買, 我哋其實唔想買, 因為我哋仲有好多行程, 而且要自己坐巴士, 不過咁我又唔好意思, 所以咪買D當手信
好似D果皮的糖我無興趣, 用來做蛋榚就OK, 但我鍾意Puebla出的陶瓷
佢哋硬要送比我哋呀, 真係唔好意思呀. 其實有D都幾好食架, 由其是鳥結糖.
最後, 因為太大雨, 我哋為有食個EARLY DINNER. 佢哋帶咗我哋去一間幾出名的餐廳, 好好味, 價錢又唔貴. 下面個石頭鍋好好味, 牛油果右面係仙人掌, 我好鍾意食.
今日早D比佢哋返去瞓啦, 因為佢老公剛由加拿大返來就車我哋來PUEBLA, 之後仲要同我哋一日遊, 真係唔好意思. 佢老婆同其他的墨西哥人一樣, 人又甜又熱情, 我第一次見佢就可以不停吹水. 我超鍾意佢哋.
沒有留言:
張貼留言