今日司機車咗我哋去Teotihuacan, 離墨西哥城東北面48KM, 係至近墨西哥城的金字塔.
遠望月神殿
月神殿
遺跡 - 壁畫
死亡大道
日神殿
參觀完金字塔, 我哋去咗金字塔旁一間石洞餐廳. 餐廳係响好大的石洞入面, 都幾得意. 剛巧下層比巴西的旅行團包咗, 所以唔可以坐下面. 佢哋成班人又唱歌, 又跳舞, 攪到好有氣氛.
下面青色同紅色的係SALSA, 佢哋話青色辣, 但我就唔覺, 我覺得好好食. 响墨西哥餐餐都會出見SALSA, 而NACHO就好多時D餐廳係自己做的, 呢一間的NACHO超好食, 不過其他嘢就麻麻地, 我記得價錢唔貴, 响墨西哥城的餐廳食嘢平均都係百幾元港幣一個人.
我哋出返墨城, 呢個建築物係世界首富 - 墨西哥電訊大享Carlos Slim Helu 比錢起的博物館, 免費入埸, 可惜無去到. 附近幾D街都係比佢買哂.
之後, 佢哋同我去咗附近的LOCAL MARKET
有毛的合掌瓜
Jalapeno
全世界至辣的辣椒Habanero, 但我真係唔覺辣.街市D人好好, 佢見我好有興趣, 比咗一只我, 返到屋企, 佢哋叫工人整咗個SALSA比我, 不過佢哋怕辣, 無放哂D銀落去呀, 我覺得一D都唔辣.
未去墨西哥前, 以為墨西哥咁落後, 我估都唔係咁清潔架啦. 去到後發覺自己真係大鄉里, 佢哋無論街市或廁所都好清潔. 而墨城一D都唔落後, 係南美的經濟中心之一, 佢哋個DOWNTOWN都好現代化.
間間肉店都同外國的無分別
血腸
呢個係用D豬耳豬做出來的嘢, 不過唔記得問點食.
生日用的Pinata, 入面係糖果, 週圍都有得買架.
沒有留言:
張貼留言